Феруза Нодирова продюсерлик килаётган икки хонанда хам баракали ижод килишни канда килмаяпти. Бири якиндагина илк яккахон концертини тугатган бўлса-да, оёк чўзиб ётишдан кўра, янги клип ва кушиклар яратиб, пешона терисини окизишни афзал билган бўлса, иккинчиси, куз ойларида янги яккахон концерт беришни режалаштирган, шу боисми, яхширок ва мухлислар эътиборини жалб этадиган даражада ижод килишни ният килган. Сўз кимлар хакида бораётганини англагандлирсиз?! Отабек Муталхўжаев ва Ёдгор Мирзажонов. Бугун уларнинг энг сўнгги янгиликлари хусусида маълумот берамиз.

“Майли, майли, битта учрашайлик...”. Бу катор сизга яхши таниш бўлса керак. Ха, ўша, концертда янграган дуэт. Нилуфар Усмонова ва Отабек Муталхўжаев ижросидаги ушбу тарона наинки, омадли чикди, балки кўнгилга хуш ёкувчи кушик сифатида хали кўп йиллар мухлислар тилида ва дилида янграйди. Айни дамда ушбу клипга суратга олиняпти. Клипмейкер Музаффар Эркинов бор истеъдодини ишга солган. 3 хил сахна декорациясида хонандалар бир-бирига эхтиросли назари билан бокиб суратга тушишди. Энг кизиги, бир декорация махсус бассейнчадан иборат бўлиб, унга икки тонна сув тўлдирилиб, кичик “оролча”лар ўрнатилган. Шу оролчалар “севишган” хонандаларни учраштиради, бирлаштиради, севгисини изхор этишлари учун имкон беради...Суратга олиш жараёнидаги кизик вокеалардан бирини Отабек шундай эслайди:

-Нилуфар жуда иктидорли хонанда. Унинг раксга тушишига хамма катори мен хам шайдоман. Кичик оролчага иккаламиз сигишимиз тугул, кўшикка мос равишда раксга тушишимиз хам керак. Нилуфар шу кадар берилиб кетдики, сувга йикилишига сал колди. Уни куткаришга куткариб колдим-у, бирок, ўзим сувга йикилдим! (кулади).