| Статистика |
XOZIR SAYTDA 1 MEXMON 1 FOYDALANUVCHI 0 |
|
 | |  |
| Главная » 2009 » Июнь » 8 » TEST
|
|
SIZDA ISHCHANLIK BORMI? 
Bilamiz, hayotda har bir muqim ish joyi bor odam baxtli hisoblanadi. Negaki, yorug‘ dunyoda ishlamasdan turib yashay olmasligimizni barchamiz yaxshi bilamiz. Biroq beshbarmoq baravar emas deganlaridek, ish tushunchasiga har birimiz turlicha yondashamiz. Keling, quyidagi test yordamida ishga bo‘lgan munosabatimizni aniqlab olaylik.
1. Eng zarur ishni tugatmoqchisiz-u, qallig‘ingiz, yoki eng yaqin kishingiz qo‘ng‘iroq qilib, uchrashishni taklif etdi?
a) “Keyinroq” deysiz-u, ishlashda davom etasiz. (5 ball)
b) “Hozir yetib boraman” deysiz va ishni yig‘ishtirib uchrashuvga chopasiz. (3 ball)
v) Va’dani berasiz, ammo ishni davom ettiraverasiz. (10 ball)
2. Oldingizda ikkita yo‘l: biri do‘stlaringiz bilan ko‘rishib dam olish, ikkinchisi anchadan beri oxiriga yetkazmay vijdoningiz qiynalayotgan ishni tugatish.
a) Hammasiga qo‘l siltab ishga sho‘ng‘iysiz. (10 ball)
b) Keyinroq ishlashga qaror qilasiz va do‘stlaringiz tomon oshiqasiz. (5 ball)
v) Aql bilan ish tutasiz. O‘ylaysiz. Ish va do‘stlarni taroziga solib ko‘rgach, ishning yarmini bajarasiz-u, dam olishga oshiqasiz. (3 ball)
3. Kimdir sizdan boshqalar bajara olmaydigan ishda yordam berishingizni so‘radi...
a) Siz iltimos qiluvchining yelkasiga qoqasiz-u, o‘sha ishni boshqa bir tanishingiz yordamida amalga oshirasiz. (10 ball)
b) Band ekaningizni aytib, bosh tortasiz. (3 ball)
v) Uzoq vaqt uning iltimosi xususida o‘ylab ko‘rib, yarmisinigina bajarib berasiz. (5 ball)
4. Ishchan kishilar kiyimdan hayotdagi maqsadni qidirishmaydi. Siz uchun kiyim nima o‘zi?
a) Juda ko‘p narsa. Bejirim, qimmatbaho kiyimlarsiz hayotni tasavvur eta olmayman. (3 ball)
b) Men chiroyli kiyinishni yoqtiraman. Chunki, bu boshqalar uchun ham yoqimli ta’sir etadi. (5 ball)
v) Ish uchun yaxshi kiyim zarur. Chunki, busiz odamlar men bilan o‘zim kutadigan darajada munosabat yuritmasliklari mumkin. (10 ball)
5. Sizga do‘stlar nima uchun kerak?
a) Do‘stlar yordamida o‘z ishlarimni bitiraman. (10 ball)
b) Ular menga eng og‘ir damlarda yelkadosh bo‘lishadi. (5 ball)
v) Do‘stlar men uchun ko‘p narsa demakdir. Ular bilan maslahatlashaman, ishlariga ko‘mak beraman. (3 ball)
6. O‘z turmush o‘rtog‘ingizga yetarli darajada e’tiborlimisiz? Ishdan kechroq qaytadigan bo‘lsangiz, qo‘ng‘iroq qilib ogohlantirasizmi?
a) Men ish bilan band bo‘laman. Bunaqangi mayda-chuydalarga vaqtim yo‘q. (10 ball)
b) Iloji bo‘lganda qo‘ng‘iroq qilaman. Sal kechiksam, hech narsa bo‘lmaydi. (5 ball)
v) Albatta, qo‘ng‘iroq qilaman. Umuman aytganda, men ishdan hech qachon kech qaytmayman. (3 ball)
7. Hayotda nimaga ko‘proq o‘zingizni bag‘ishlagansiz?
a) Oilam, bolalarim mening borlig‘im. Ish esa faqat ularni boqish uchungina kerak. (3 ball)
b) Oila, albatta, kerak. Lekin ishni ham unutmaslik kerak. (5 ball)
v) Yo‘q, oila, ro‘zg‘or, bolalar bilan xotinim shug‘ullansin. Mening o‘rnim ishxonada. (10 ball)
8. O‘z muammolaringizdan sal bo‘lsa-da chekinib, dam ola bilasizmi?
a) Ha, lekin hamma vaqt ham emas. Agar ishlarim ko‘p bo‘lsa, dam olish haqida o‘ylamayman. (5 ball)
b) Dam ola bilaman. Bunday paytda har qanday ishni yig‘ishtirib qo‘yaman. (3 ball)
v) Oxirgi marta qachon dam olganim esimda yo‘q. (10 ball)
NATIJALAR:
60 balldan yuqori.
Butun umringizni ishga bag‘ishlagansiz. Ish hayotingizning mazmuniga aylangan. To‘xtang! Tag‘in bir kun kelib barcha yaqinlaringizdan ayrilib, yolg‘izlanib qolmang.
35 dan 60 ballgacha.
Siz yaqinlaringizga mehribon, e’tiborlisiz. Ish vujudingizni haddan tashqari qamrab olmagan.
35 ballgacha.
Hayotga juda yengil qaraysiz. Dam olishni xush ko‘rasiz. To‘g‘ri, bu ham kerak. Lekin ishni ham unutib qo‘ymaslik kerak. Sal jiddiyroq bo‘ling. MaVeRicK
|
|
Категория: Тесты |
Просмотров: 1145 |
Добавил: MaVeRicK
| Рейтинг: 4.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
