| Статистика |
XOZIR SAYTDA 4 MEXMON 4 FOYDALANUVCHI 0 |
|
 | |  |
| Главная » 2009 » Май » 31 » JUDA QIZIQ
|
|
KIMNI QO`LIDAN NIMA KELADI.
KIMNI QO`LIDAN NIMA KELISHINI BILASIZMI?
San'atimizdagi yagona duet – Oybek va Nigora.
Qo'limdan keladi:
Oybek - Sportga qiziqishim baland, ayniqsa futbolning ashaddiy ishqiboziman. Nigora ikkimiz futbolni tez-tez o'ynab turamiz. Keyin she'r yozishga qiziqaman. Masalan, «Sog'inch» nomli qo'shig'imizning she'ri va g'oyasi menga tegishli. Internetda sayr qilishni yoqtiraman, u orqali do'stlar orttirishni kanda qilmayman.
Nigora – San'atdan tashqari buxgalteriya, ya'ni hisob-kitobni bilaman. Keyin sport turlaridan faqat futbol o'ynashni bilaman.
Qo'limdan kelmaydi:
Oybek - Xar kuni ertalab yuguray deymanu, lekin xech uyg'ona olmayman. Afsuski uyqumni yengolmaymanda. Kimdir yur demasa, ertalabdan yugurishga chiqishim juda qiyin. Lekin tonggi musaffo havoda muntazam yugurishni orzu qilaman.
Nigora - Tikish bichishni haqiqiy tikuvchiga o'xshab uddalay olmaymanmanku-ya, lekin oddiy qiz bilishi lozim bo'lgan tikishdan xabarim bor. Ovqatlarni zo'r pishirishni bilmayman.
Xonanda Nilufar Saidova
Qo'limdan keladi:
Yoshligimdanoq xalq tabobatiga qiziqishim kuchli. Tabobat sirlarini o'zimda sinab ko'rishni yaxshi ko'raman. Mazam qochib qolsa, darrov o'zimizning xalq tabobatidan foydalanib davolab tashlayman. Maktabda o'qib yurgan chog'larimda biologiyadan o'tkazilgan olimpiyadalarda birinchi o'rinlarni egallaganman. Keyin to'qishni bilaman. Menimcha, bitta korxonani boshqarishga yetadigan kuchim bor. Mingta odamga qo'shiq kuylagan odam mingta ishchini boshqara olmaydi deb o'ylaysizmiq
Qo'limdan kelmaydi:
Chumchuq so'ysa ham, qassob so'ysin degan maqolga qo'shilaman. Olloh yuqtirganini qilganimiz ma'qul. Shu boisdan men qo'limdan nima kelmasligini aytmayman. Chunki san'atdan boshqa qo'limdan keladigani yo'q. Olloh san'atni yuqtirdimi, demak men san'atimni ko'rsatishim kerak. Keyinchalik musiqa maktabi ochish niyatim bor.
San'atimizning yana bir vakili, xonanda Abdulla Qurbonov.
Qo'limdan keladi:
Ba'zilar san'atdan tashqari avtomobil olib sotishadi, yana boshqa kasbdoshlarim tadbirkorlik qiladilar. Men ana shu ishbilarmon kasbdoshlarimga havasim kelib, yaqinda tadbirkorlikka qo'l urmoqchiman. Nasib qilsa, bir tadbirkor bo'lib ko'ray. Albatta xonandaligimni saqlab qolgan holda. Ayol kishining esa uyda farzandlari tarbiyasi bilan o'tirganini ma'qul ko'raman, unga eng yarashadigani uy bekalik. To'ti, sayroqi bedanalar, baliqlarni boqishga ishqibozman. Gullarni yetishtirish ham mashg'ulotlarimdan biri.
Qo'limdan kelmaydi:
Ollohga qarshi ish tutish qo'limdan kelmaydi. Nasib qilsa, bunday ishlarni har qanday sharoitda ham qilmaslikka harakat qilaman. Ollohga yoqmaydigan ish qilgan insonning ishi ham o'xshamaydi.
Qizlarning yoqimtoyi Yodgor Mirzajonov
Qo'limdan keladi:
Bilasiz, asosiy soham san'at. Xozir esa tadbirkorlik faoliyatini boshlay deb turibman. Keyin ovqat pishirish, kir yuvishni ham bilaman.
Qo'limdan kelmaydi:
Uyni ta'mirlashga no'noqman, kiyimlarni yuvishga yuvamanu, lekin dazmol qilishga kelganda, yuragim otilib ketadiganday bo'ladi. Bunday paytlarda oyijonimni dazmol qilib bering, deya qiynay boshlayman.
Nonvoy Olovuddin – Otabek Mutalxo'jayev
Qo'limdan keladi:
Aslida soham neftegaz. Politexnika institutini bitirganman. Uyimizda qiz bola yo'qligi va eng katta o'g'il bo'lganligim sabab, uy ishlarini o'zim bajaraman. «Olovuddinning yangi sarguzashtlari» filmidan keyin non yopishni ham o'rganib oldim. Xatto endi bitta nonvoyxona ochaymikin deb o'ylab yuribman. Nonvoylar bilan munosabatlarim a'lo.
Qo'limdan kelmaydi:
Mashinani haydashga haydaymanu, lekin mabodo yo'lda buzilib qolsa, ta'mirlay olmayman, chunki tushunmayman. Yo'lning qoq o'rtasida qolib ketishim hech gap emas.
Nozli xonim Xulkar Abdullayeva
Qo'limdan keladi:
Tikish va liboslar dizaynini yaratishga ustaman. Deyarli hamma ko'ylaklarim dizaynini o'zim yaratganman. Tortlarning turli xillarini pishiraman. Xatto to'ylarga mo'ljallangan ikki-uch qavatli tortlarni pishirish qo'limdan keladi. Umuman qaysi hunarni o'rgansam olib keta olaman. Keyin raqsga yaxshi tushaman.Xar qanday professional raqqosalarni ortda qoldirishim mumkin.
Qo'limdan kelmaydi:
Nimagadir bilim olishga kelganda biroz dangasaroqman. Menimcha, hech qachon chet tilini o'rgana olmasam kerak. Xunarni tez ilib olaman, lekin ilm bobida no'noqroqman.
|
|
Категория: ШОУ-Бизнес |
Просмотров: 2235 |
Добавил: JAVOXIR
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
