Hijob o'ramaslikning 10 ta bahonasi va ularga javob:

1. Hijob o'rashlikka hali ehtiyoj sezganim yo'q.

"51. Albatta, mo'minlarning Allohga va Uning Payg'ambariga oralarida hukm
chiqarish uchun chorlanganlaridagi gaplari: «Eshitdik va itoat qildik»,
demoqlaridir. Ana o'shalarning o'zlarigina najot topguvchilardir.
52. Kim Allohga va Uning Payg'ambariga itoat etsa hamda Allohdan qo'rqib,
Unga taqvo qilsa, bas, ana o'shalargina yutuqqa erishguvchilardir.(Nur surasi)

2.Men hijob o'rashim farzligini bilaman, ammo onam ruhsat bermaydilar.
Ularni norozi qilsam, do'zaxi bo'lib qolishim mumkin.

15. Agar ikkovlari seni o'zing bilmagan narsani Menga shirk keltirishga zo'rlasalar,
bas, ularga itoat etma! Va dunyoda ikkovlariga yaxshilik qil hamda Menga yo'nalganlarning yo'liga ergash.
So'ngra qaytishingiz faqat Mengadir. Bas, Men sizga nima amal qilganingiz xabarini berurman.

3.Mening sharoitim Islomiy kiyinishga yo'l qo'ymaydi.

Muslima har qanday sharoitda ham Islomiy Hijob talablaridan tashqari kiyinib ko'chaga chiqishi qat'iyan man etilgan.
Bu esa senga Qiyomatda Alloh berguvchi qahshatgich azobdan nari tutadi.

4. Men yashaydigon davlatda shunaqangi issiqki, hijobni bunaqa issiqda o'rash azob.

«...Bu issiqda urushga chiqmanglar», dedilar.
Ayting (Ey Muhammad): «Jahannamning otashi issiqroq, agar tushunsalar».(Tavba surasi 81)
O'sha mamlakatning issig'ini Jahannam issig'i bilan teng ko'rma!
Quyosh issig'ini Allohning rahmati deb qabul qil va shuni unutmagingki Do'zax otashi sen his aytayotgan issiqdan 70-barobar kuchli!
24. Ular unda sovuqni ham, sharobni ham tatiy olmaslar.
25. Magar qaynoq suv va yiringni (tatirlar). (Naba surasi)

5. Hijobni o'rap keyin yechib tashlashdan qo'rqaman.Chunki manashunday qilganlarning ko'pchiligini bilaman.

Alloh kam bo'lsada, muntazam qilib borligan amallarni sevadi (Hadis).
45. Sabr va namoz ila yordam so'rang. Va, albatta, u nafsi siniqlardan
boshqalarga juda katta ishdir.
46. Ular, albatta, Robbilariga ro'baro' bo'lishlari va, albatta, Unga qaytib
borishlariga ishongan zotlardir.(Baqara surasi)

6.Agar hijob o'rasam hech kim menga uylanmaydi, yaxshisi o'sha vaqtgacha o'rame turaman.

Seni omma ichida ochiq- sochiq ko'z- ko'z qiluvchi, Allohning buyruqlariga be e'tibor erkak sening umr yo'ldoshing bo'lishga no loyiq.U sen Jannatga kirishinga yordam bera olmaydi.
Gunohlar evaziga qurilgan oilani Alloh Taolo yorlaqamaydi.
124. Kim Mening zikrimdan yuz o'girsa, albatta, unga torchilik hayoti bo'lur va qiyomat kuni uni ko'r holida tiriltirurmiz», dedi.(Toha surasi).

7.Alloh menga bergan shunday go'zal, mayin sochlarimni nega yashiray?

31.«Sen mo'minalarga ayt: Ko'zlarini tiysinlar, farjlarini saqlasinlar va ziynatlarini ko'rsatmasinlar, magar zohir bo'lgan ziynatlar bo'lsa (mayli). Ro'mollarini ko'ksilariga to'sib yursinlar. Ziynatlarini ko'rsatmasinlar, magar erlariga yo otalariga yo erlarining otalariga yo o'g'illariga yo erlarining o'g'illariga yo aka-ukalariga yo aka-ukalarining o'g'illariga yo opa-singillarining o'g'illariga yo ayollariga yo o'z qo'llarida mulk bo'lganlarga yo (ayollarga) behojat erkak xizmatchilarga yo ayollar avratining farqiga bormagan yosh bolalarga (bo'lsa mayli). Maxfiy ziynatlarini bildirish uchun oyoqlarini (yerga) urmasinlar. Allohga barchangiz tavba qiling, ey mo'minlar! Shoyadki, najot topsangizlar«.(Nur surasi).
59. Ey Nabiy, juftlaringga, qizlaringga va mo'minlarning ayollariga ayt: jilboblarini o'zlariga yaqin qilsinlar. Ana o'sha ularning tanilmoqlari va ozorga uchramasliklari uchun yaqinroqdir. Alloh o'ta mag'firatli va rahmli zotdir.(Azhob surasi).

8. Hijob vojib ekanini bilaman. Alloh ko'nglimga solgan kuni Hijob o'rayman.

-Agar Alloh chindan ham seni to'g'ri yo'lda boshqarishini istasang, unda o'sha yo'ldan yurishga o'zing ham chin dildan harakat qil.

9. Hijob o'rashimga vaqt bor, men hali yoshman.Hajga boray, ana keyin o'rasam bo'ladi.

-Singlim, o'lim farishtasi sening bu dunyoda vaqti soating tugashini kutib turishini bilasanmi?
34. Har bir ummatning ajali bor. Ajallari kelgan vaqtida biror soatga ketga ham, oldinga ham sura olmaslar.(A`rof surasi)
"Sizlar Allohni unutib qo'ygan (ya'ni U zotning amr farmonlariga itoat etmagan), bas (shundan keyin Alloh) ularga o'zlarini ham unuttirib qo'ygan.(ya'ni, o'zlariga ohiratda foyda beradigon amallar qilishdan yuz o'girtirib qo'ygan) kimsalar kabi bo'lmangiz.

10. Men qanaqadir guruhlar a'zosi bo'lib qolishdan qo'rqaman.

-Agar sen Alloh qonunlariga bo'ysunmasang (bunga Hijob o'rash ham kiradi) sen faqat yaxshi va muvaffaqqtiyatli guruhga kirishing mumkin halos.
Avratini yashirmaydiganlar esa shayton va uning sheriklari guruhiga kirib qolish mumkin.
50. Bas, faqat Allohgagina qoching. Albatta, men sizlarga Undan (kelgan) ochiq-oydin ogohlantiruvchiman.(Vaz-Zariyat surasi)
(Odatda inson xavfu xatardan, balo-ofatdan qochadi. Bu oyatda tilga olingan xavf-xatar - dinsizlik, g'aflat va osiylikdir, undan qochish gunoh va harom
ishlarni tark etib, Allohga iltijo etish bilan bo'ladi. Allohga qochishda inson uchun ulug' saodat va martaba bordir.)

Sening go'zal soch turmaging,Oyoqlaring qanaqaligini ko'rsatip turgan kalta yupkang,
Qomating qanaqaligini bilintirip turgan tor ko'ylaging,Hush bo'y atring
Alloh Subhana va Taoloning g'azabini keltirsa,Shaytonni esa juda shodlantiradi.
Mana shunday yurgan har bir kuning seni,Alloh Taolodan uzoqlashtiraveradi va
tobora shaytonga yaqin etaveradi.Har bir kuning seni qabrga kelishing va
Azroilning huzuringa kelishi muddatiga yaqin olip kelaveradi.
Har bir jon o'lim totguvchidur. Va qiyomat kunida hech shak-shubhasiz ajr-savoblaringizni komil suratda olursiz. Bas, kim do'zaxdan chetlatilib, jannatga kiritilsa, muhaqqaq (baxt saodatga) erishgay. BU hayoti dunyo esa aldaguvchi matodir. (Oli imron surasi 185-oyat)
Ertangi kun kelmasdan bugungi kuningni sarhisob qil. Kech bo'lmasdan yaxshilab o'ylab ko'r!
Zora shu so'zlar senga dars bo'lib bugunoq hijob izlashga kirishsang...