Boshimga o’ramay yoshlikdan hijob,
Kalomingni avvalroq qilmadim hitob.
Hech bo’lmasa o’qimadim Islomiy kitob,
Keyin bilsam bariga bor ekan hisob.

Qiyomat kunida yig’ilib barcha,
Mahshargohda navbatlarin kutarlar ancha.
Seni tanimagan bandang bor qancha,
Jahannam o’tida o’tindir parcha.

Asragin ey Robbim mushrik bo’lishdan,
Do’zahning o’tida kuyib yonishdan.
Seni bilib turib fosiq bo’lishdan,
Qabrimga kirganda azob ko’rishdan.

Qalbimga taratgin ziyo nurini,
Sifat qilib bergin hayo durini.
Hamroh qilib bergin Jannat hurini,
Adashtirmay ko’rsatgin Islom yo’lini.

Allohim gunohlarim kechirgin bu kech,
Sening zikringni aytib tildan qo’ymam hech

Bo’ldi bas. Tinch qo’ying meni ey sizlar,
Bunchalar yovuzsiz, qabih orsizlar.
Shaytonning makridan hozir ko’rsizlar,
Bu holingiz uchun ming bor essizlar.

Iymonim sen meni aslo tark etma,
Nafsim sen bunchalar tug’yonga ketma.
Vijdonim hech qachon toshdayin qotma,
Allohim sen meni iymonsiz qo’yma.

Hayotim, vujudim, borlig’im tilka.
Rukuda, sajdada bo’laman senga.
Horsamda, tolsamda ayturman yana…
Allohim sen meni iymonsiz qo’yma.

“Og’am” deganing qayda?
“Onam” deganing qayda?
Soyasiga sig’inib,
“Otam” deganing qayda?

Barisi ham ko’zda yosh
Biri-biridan yuvvosh?
Yer bag’irlab turarlar,
Yurakda qoyadek tosh:

“Evoh, qalbi ko’r bo’ldim,
Peshonasi sho’r bo’ldim.
Yaratganni bilmadim,
Shakkok bo’ldim – xo’r bo’ldim”.

Badanlaring yuvishar,
Oyoqlaring chalishar.
Sening kabi bandalar
Bir-bir pastga qulashar.

Oz bo’lsa-da vaqting bor,
Imon keltir, Alloh yor!
Oxirating ko’pmasin,
Keyin yig’lamagin zor.

…Dunyo ustun deganlar
Ostini ham ko’rarlar.
Qilko’prikning boshida
Bo’yin egib turarlar.

Yo’qolgan ishonchni, orzu-umidni,
Yo’qolgan davlatni yo’qolgan baxtni,
Yo’qolgan ilinjni Allohdan so’rang,
Alloh Berguvchidir, Alloh Mehribon.

Undan siz hidoyat bermoqni so’rang,
Iymonda mustahkam bo’lmoqni so’rang.
Barcha gunohlarni avf etmoqni tilab,
Undan siz mag’firat etmoqni so’rang.

Yo’qolgan orzuni, yo’qolgan baxtni,
Yo’qolgan ishonchni topgaysiz shunda,
Davlat ham topilgay, umid ham kelgay,
Ilinjning o’zi topgaydir sizni.

Ajal o’qi aniq, bir kun yetgusi,
Shoshmasdan, xotirjam halok etgusi,
Otang bor, onang bor – ertan ketgusi…
Qabr kavlashni ham o’rganib qo’ygil!

Bitgan gulzorlaring so’lar ertaga,
Umr kosasi ham to’lar ertaga,
Baland minoralar qular ertaga,
Qabr kavlashni ham o’rganib qo’ygil!

Birov horma demas, tolsang yugurib,
Yordam ham berolmas ahvoling ko’rib,
Mard bo’l-da, o’rningdan bir sapchib turib,
Qabr kavlashni ham o’rganib qo’ygil!

Mayli, ko’chat ekkin ertani ko’zlab,
Mayli hosilin ham totgil yolg’izlab,
Lek qolmayin desang qabrda bo’zlab,
Qabr kavlashni ham o’rganib qo’ygil!