«Тоттенхем Хотспур» футболчиси Жорж Холл 1938 йилда Ирландия терма жамоаси дарвозасига 3,5 дақиқада 3 та гол киритиб, халқаро учрашувдаги энг тез хет-трик муаллифига айланган. 1973 йилда Аргентинанинг «Индепендент» ва «Гимнасия и Эскрима де ла Плата» жамоалари ўйинида Маглиони 1 дақиқаю 50 сония ичида учта тўп киритган. Расман қайд этилган энг тез хет-трик «Блэкпул» ўйинчиси Эфраим Жок Доддсга тегишли. У 1942 йилнинг февралида «Транмер Роверс» жамоаси дарвозасига 2,5 дақиқа ичида 3 та гол урган. «Гиллингхем» ўйинчиси Жим Скарт ҳам 1952 йилда «Лейтон Ориент» билан бўлган ўйинда шу натижани қайд этган. «Куин оф Саут» футболчиси Томми Брайс 1993 йилда «Арброт»га қарши ўйинда 9,10,11-дақиқаларда тўп киритган. Жон Макинтайр ("Блэкберн Роверс") 1922 йилда «Эвертон» билан бўлган ўйинда 5 дақиқа ичида 4 та гол урган. Уилям Ричардсон ("Вест Бромвич Альбион") 1931 йилда "Вест Хэм Юнайтед"га қарши ўйинда дастлабки 5 дақиқа ичида 4 та гол киритган.